गीत १ विकसित व्हावे, स्वार्थी होऊनी जावे

( कवी अज्ञाताची क्षमा मागून )

विकसित व्हावे, स्वार्थी होऊनी जावे ||

संघटनेच्या अणुरेणूतून, अविरत वेचुनी तेजाचे कण |

रसगंधाशी समरस न होऊन, अहंगंड  फुलवावे ||

सुंदर मी परी अजि शोभेस्तव,  स्वहित हेतुक मम बलवैभव |

समष्ठीसाठी नच हे सौष्ठव, हे नित हृदयी धरावे ||

दीप नसे  मी राखूया  तम, असे जाणुनी होऊनी निर्मम |

कणकण देऊनी मिळवता क्षणक्षण, कुटुंबही उजळावे ||

रुपरंग व असो गंधही, यातील माझे सर्वची काही |

श्रेयाचा मज हवा लेशही, सत्कारात विरावे ||